Gennaro Gattuso ia ka dedikuar motrës së tij triumfin ndaj Inter.
Napoli mbrëmë ka eliminuar skuadrën e Inter nga Kupa e Italisë, duke prerë kështu biletën për finalen e këtij kompeticioni.
Napolitanët kaluan tutje falë fitores së siguruar në ndeshjen e parë, si dhe një barazimi 1:1 mbrëmë.
Këtë sukses, Gattuso ia ka dedikuar motrës së tij, e cila ndërroi jetë së fundmi.
“Këtë fitore ia dedikoj motrës sime dhe familjes sime”, ka thënë Gattuso.
“Djemtë ishin të jashtëzakonshëm. Ata luajtën për mua dhe unë i falënderoj shumë”, ka shtuar trajneri italian.
Gattuso dhe skuadra e tij do të kenë tani punë me skuadrën e Juventus, në finalen e 17 qershorit.
