Gjahtarja ruse Maja Odden, 23 vjeçe, është kërcënuar me vdekjen e fëmijës së saj të porsalindur, pasi ajo gjatë shtatzënisë pozoi pranë kafshëve që vriste.
23-vjeçarja që kur ka qenë 14 vjeç ka vrarë prenë e parë. Ky pasion i është brumosur nga i ati, i cili është një gjahtar profesionist. Por, pak ditë pasi djali i saj Andres ka ardhur në jetë, krahas mesazheve të urimit qëndronin dhe ato kërcënuese, të cilat paralajmëronin vdekjen e vogëlushit.
“Fëmija që do të lindësh është më i neveritshëm se t’i. Uroj që ai të vdesë sa më shpejt”, ka shkruar një person anonim.
Në lidhje me këto mesazhe ka reaguar vetë Maja, e cila ka thënë se të kesh pasion gjuetinë, nuk mund të shkojë deri aty sa disa persona t’i urojnë vdekjen e djalit.
“Të jesh vajzë dhe të kesh pasion gjuetinë është e gabuar dhe e pa konceptueshme për disa persona. Unë kurrë nuk do të ndal gjuetinë, madje do të këshilloj dhe djalin të ndjekë këtë rrugë. Kam marrë këto kohë kërcënime për vdekjen e tij. Nuk e di, e kam të pamundur të imagjinoj që disa persona arrijnë deri aty sa t’i urojnë vdekjen dhe thonë se do të vrasin një qenie të pafajshme”, u shpreh 23-vjeçarja.
Burimi: top-channel.tv
