Ishte koncerti i saj i madh në arenën më të famshme në botë.
Kështu që nuk është çudi që Dua Lipa duhej të shkëlqente, shkruan DailyMail
Këngëtarja shqiptaro-britanike, 26 vjeçe, shfaqi figurën e saj mahnitëse të trupit në veshjen e guximshme të qëndisura nga dantella e verdhë e markës “Balenciaga”, teksa performonte në Madison Square Garden në New York të martën mbrëma.
Turneu – i emëruar sipas albumit të saj të dytë “Future Nostalgia” – është shtyrë disa herë për shkak të pandemisë COVID-19, por më në fund filloi në Florida muajin e kaluar.
Kostumi i verdhë me të cilin ajo u paraqit gjithashtu në një koncert në Miami dhe përgjatë dhjetëra koncerteve deri më tani në të gjithë turneun e saj – karakterizohej nga një palë dorezash që përputheshin me krahët.
Flokët e gjata dhe brune të super yllit ishin të ndara në mes dhe të stiluara drejt.
Fituesja e çmimit “Grammy” – e cila kohët e fundit fitoi çmimin “Artistja më e mirë e zhanrit Pop/R&B” në BRIT Awards muajin e kaluar – kishte vënë një makijazh minimal në fytyrën e saj.
Interpretuesja e hitit “Physical” argëtoi turmën me një mikrofon të zi në dorë dhe një ekip kërcimtarësh me veshje të kaltra përreth saj.
Në një moment ylli performoi një koreografi të zjarrtë teksa u ul mbi një balerin mashkull dhe bëri një performancë provokuese.
“Future Nostalgia” në mars të vitit 2021 fitoi çmimin Grammy për “Albumin më të mirë të zhanrit pop”.
Këngëtarët dytësorë të turneut: Lolo Zouaï dhe Caroline Polachek dhuruan gjithashtu performanca fenomenale për publikun.
/abc24.al/
