Klimati është moti mesatar në një vend për shumë vite dhe kështu ndryshimi i klimës është një ndryshim në ato kushte mesatare.
Ndryshimi i shpejtë i klimës që po shohim tani është shkaktuar nga njerëzit që përdorin naftë, gaz dhe qymyr në shtëpitë, fabrikat dhe transportin e tyre.
Kur këto lëndë djegëse fosile digjen, ato lëshojnë gazra serë – kryesisht dioksid karboni (CO2). Këto gazra bllokojnë nxehtësinë e Diellit dhe bëjnë që temperatura e planetit të rritet.
Bota tani është rreth 1.1C më e ngrohtë se sa ishte në shekullin e 19-të dhe sasia e CO2 në atmosferë është rritur me 50%. Kjo mund të mos tingëllojë shumë, por po i bën valët e të nxehtit më të nxehta dhe stuhitë më intensive, po kontribuon në thatësira dhe shkrirjen e akullit polar që po shkakton ngritjen e nivelit të detit.
Për të shmangur pasojat më të këqija të ndryshimeve klimatike, shkencëtarët thonë se rritja e temperaturës duhet të ngadalësohet. Ata paralajmërojnë se ngrohja globale duhet të mbahet në 1.5C deri në vitin 2100.
