“Kam pasur virus për 60 ditë pa e njohur atë,” tha mbrojtësi i Fiorentina, Martin Caceres gjatë një lidhje të drejtpërdrejtë në Instagram me komedianin uruguaian, Yisela Paola.
“Midis 8 dhe 15 Mars kisha disa simptoma. Unë po stërvitja në shtëpi dhe ndjeja se nuk po mund të marrë frymë. Ata më thanë që të filloja karantinën dhe në 20 ditë do të lirohesha. Nuk ishte ashtu. Me sa duket virusi ishte i dashuruar me mua… “, ishin fjalët e tij.
Për fat të mirë, mbrojtësi i Fiorentina tani është më mirë. Rezultati i fundit i tij ishte negativ. Caceres kështu i siguroi të gjithë:
“Ata më bënë një tampon dhe unë jam negativ, unë jam mirë dhe ndihem si i ri”.
Javën e kaluar klubi “Viola” njoftoi gjashtë raste pozitive të virusit: tre lojtarë dhe tre të tjerë nga stafi teknik.
Pas raundit të ri të testeve të bëra të shtunën – tani ka vetëm një rast pozitiv në klubin italian.
Ndërkohë, ekipi nën urdhërat e Iachini vazhdon trajnimin individual në Qendrën Sportive ‘Davide Astori’.
