Rastet me COVID-19 në ditët e fundit janë rritur dukshëm .Nga 13 marsi janë shënuar gjithsej 2.268 raste, me 38 raste të vdekjes, derisa numri i përgjithshëm i të shëruarve deri më sot është gjithsej 1.108 raste.
Aktualisht janë 1,122 raste aktive. “Nga data 08 shkurt deri më 23 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 22.133 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.268 raste, me gjithsej 38 raste të vdekjes të cilët kanë pasur sëmundje të tjera shoqëruese.
Dje, më 23 qershor 2020, janë shëruar 39 pacientë derisa numri i përgjithshëm i të shëruarve deri më sot është gjithsej 1.108 raste”, thuhet në njoftimin e IKSHPK-së.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.
Burimi: top-channel.tv
