Policia kufitare e Sarandës ka arrestuar një shtetas i cili u kap në flagrancë duke transportuar 6 emigrantë të paligjshëm, drejt Tiranës.
“Në vijim të punës për goditjen e aktivitetit kriminal të dhënies ndihmë shtetasve të huaj për kalim të paligjshëm të kufirit, kundrejt fitimit, në bazë të informacioneve policore u finalizua operacioni policor “Qafa e Hanit”, si rezultat i të cilit u bë arrestimi në flagrancë i shtetasit Adi D., 50 vjeç, banues në Mursi, Sarandë”
, informon policia.
50-vjeçari u kap në flagrancë, në vendin e quajtur “Qafa e Hanit”, në aksin rrugor Konispol- Sarandë, duke transportuar me automjetin e tij, 6 emigrantë të paligjshëm nga vendet MENA, kundrejt fitimit.
Policia po punon për dokumentimin e plotë të kësaj veprimtarie kriminale dhe identifikimin e personave të tjerë të implikuar në të.
Materialet procedurale i kaluan Prokurorisë së Rrethit Gjyqësor Sarandë, për veprën penale
“Ndihma për kalim të paligjshëm të kufijve”.
