Alban Skënderaj ka publikuar sot (e mërkurë) këngën e re të quajtur “Dalëngadalë”.
Projekti, që i dedikohet dashurisë, ka protagoniste në videoklip bashkëshorten e tij, artisten Miriam Cani.
Kjo këngë është kompletuar mjaft mirë edhe nga ana vizuale, me paraqitje të mahnitshme të çiftit.
Foto: Screenshot/YouTube
Teksti dhe muzika është realizuar nga vet Skënderaj, kurse për producimin u kujdes Endri Shani.
Videoja ndërkohë është mundësuar nga produksioni ‘Talelli Productions’.
Foto: Screenshot/YouTube
Të shumta kanë qenë reagimet që u bënë menjëherë pas publikimit të këtij projekti, me fansat që thurën lavde për Albanin si ‘qetësi për shpirtin janë këngët e juaja’.
Dyshja e njohur janë bashkë prej shumë vitesh dhe nga martesa e tyre kanë bashkë dy fëmijë: një vajzë dhe një djalë.
/abc24.al/
