Agjenti i Igor Gomes, Wagner Ribeiro tha se dëshiron t’ia plotësojë ëndrrën klientit të tij duke e çuar te Real Madrid.
Gomes i Sao Paulo ka tërhequr interes nga e gjithë Evropa, me 21-vjeçarin të lidhur me Real Madridin, Barcelona, Sevilla dhe Ajax.
Reali ka kaluar shumë në tregun brazilian, duke nënshkruar me treshen e re Vinicius Junior, Rodrygo Goes dhe Reinier Jesus në sezonet e fundit.
Dhe Ribeiro foli për mundësinë e Gomes – i cili është krahasuar me Kaka – të transferohet në Spanjë.
“Unë kam punuar me Igor që kur ishte 12 vjeç”, i tha Ribeiro Fox Sports. “Ai është në radarin e të gjitha klubeve të mëdha në Evropë”.
“Ai është startues në Sao Paulo dhe ai është një lloj lojtari tjetër. Ai ka një lloj stili që ata vlerësojnë në Evropë: ai shënon gola, fillon lëvizjet, bën asistime… ai është një lojtar i kompletuar”.
”Atij i pëlqen Real Madridi. Nëse mundësia më vjen, do ta bëja me kënaqësi”, vazhdoi ai.
