Pasi ndau fotografitë e djalit të tij të porsalindur, Ryden Caspian Paul, Aaron Paul ka konfirmuar se Bryan Cranston është kumbari i foshnjës.
Në një intervistë të re me TMZ , të realizuar të mërkurën në aeroportin e Los Angeles, aktori pohoi rolin e ri të Cranston si kumbarë: “Ai është. Ai njeriu i bukur”, tha ai.
Ylli itha se vendimi ishte ‘shumë i lehtë’, teksa tregoi një pasqyrë të përgjegjësive të Cranston: “Ai thjesht do të kujdeset për fëmijën, do të ndërroj pelenat, e dini – të gjitha gjërat”.
Foto: Matt Baron/REX
Paul më parë zbuloi planet e tij për të pasur Cranston si kumbarë gjatë paraqitjes së tij në “The Tonight Show Starring Jimmy Fallon” të martën.
Kur Jimmy e pyeti nëse Bryan e kishte takuar fëmijën, ai u përgjigj: “Ai e ka parë. Ai ka takuar fëmijën. E dini, e pyeta Bryan në ditëlindjen e tij nëse ai do të ishte kumbari i foshnjës sonë. Ai tha jo”, tha Aaroni me shaka, ndërsa më pas sqaroi se Bryan ishte ‘shumë i emocionuar’ për të qenë kumbari i djalit të tij.
“Shumë i nderuar. E dua deri në vdekje, e di”, tha Aaroni.
Paul zbuloi imazhet e ëmbla të djalit të tij, pas lajmit se ai dhe gruaja Lauren Parsekian kanë mirëpritur fëmijën e tyre të dytë së bashku.
Prindërit krenarë kanë po ashtu një vajzë katërvjeçare, Story Annabelle Paul, të cilën e mirëpritën në vitin 2018.
/abc24.al/
Foto: Getty Images
