Aktualisht në Kosovë janë 552 raste aktive me COVID-19.
Në 24 orët e kaluara edhe 27 qytetarë kanë rezultuar pozitivë me këtë virus, ndërkaq nuk është shënuar asnjë rast vdekjeje.
Janë shëruar edhe 30 qytetarë, derisa numri i përgjithshëm i të shëruarve është 223 mijë e 890.
Prej fillimit të vaksinimit në të gjitha qytetet e Kosovës janë dhënë 1.822.710 doza të vaksinës.
Deri më sot 820 mijë e 684 qytetarë janë vaksinuar me dozën e dytë dhe 100 mijë e 228 të tjerë me doza përforcuese dhe doza të treta të vaksinës kundër COVID-19.
