Presidenti i Ukrainës, Volodymyr Zelensky pritet t’i drejtohet me një video mesazh Kuvendit të Shqipërisë në datën 3 maj.
Zelensky pritet të mbajë fjalimin e tij të radhës pas shumë fjalimeve drejtuar parlamenteve në të gjitha vendet e botës, raportojnë mediat vendase.
Në fjalimet e tij të më hershme, Zelensky ka bërë thirrjet për ndihmë ushtarake dhe sanksione ndaj Rusisë.
Të dielën, Zelensky zhvilloi një bisedë telefonike me homologun turk, Rexhep Tajip Erdogan.
Zelensky u shpreh se me Erdoganin diskutoi nevojën për evakuimin e menjëhershëm të civilëve nga Mariupoli si dhe shkëmbimin e trupave ukrainase që ndodhen brenda fabrikës së çelikut Azovstal.
/abc24.al/
