Këngëtarja e njohur shqiptare, Xhensila Myrtezaj prej ditësh ka zbuluar se po punon për projekte të reja muzikore.
Një këngë të re, artistja nga Shqipëria e ka paralajmëruar edhe sot (e enjte) përmes një fotosesioni të mahnitshëm.
Xhensila postoi imazhe të reja në llogarinë e saj në Instagram ku shihet e veshur me ngjyrë ari.
Foto: Xhensila Myrtezaj/Instagram
Xhaketë me shkëlqim të kombinuar me një këmishë të bardhë, ndërsa sipër saj një bluzë po ashtu ari, këpucë me taka të larta dhe aksesorë ari.
Fotografitë u realizuan në një prapaskenë që kombinohej me ngjyrat e veshjes, ndërsa në mbishkrim la të kuptohej se ato ishin shkëputur nga xhirimet e klipit.
“Disponimi ‘lujta’, kënga e artë është rrugës”, ka shkruar Xhensila sipër fotove.
Ndërkohë kujtojmë që projekti i fundit i Xhensilës është bashkëpunimi me Geasy dhe Majk “Mëkati jem”.
Ndërsa, krahas karrierës muzikore, Myrtezaj tashmë është fokusuar edhe në fushën e biznesit. /
abc24.al
/
