I riu nga Kuçova, Majkëll Vrapi ka ndërruar jetë pasi ra nga çatia e banesës.
Ai po montonte një panel diellor por era e fortë e rrëzoi nga një lartësi rreth 3 metra që i shkaktoi të riut fraktura dhe shembje në të gjithë trupin.
Ai u gjet në tokë pa ndjenja dhe u transportua me urgjencë në Spitalin Rajonal Berat për të marrë ndihmë mjekësore.
Majkëll Vrapi iu nënshtrua ndërhyrjes urgjente, por gjendja e tij e rënduar detyroi mjekët ta nisnin për në spitalin e Traumës në Tiranë.
Për fat të keq, Vrapi nuk i mbijetoi dot plagëve të rënda dhe ndërroi jetë gjatë rrugës. Familjarët bëjnë me dije se ditën e sotme do të përcillet për në banesën e fundit.
