Bayer Leverkuseni ka “shkatërruar” Werder Bremenin.
Në takimin e luajtur në ‘Weserstadion’ në kuadër të xhiros së 26-të të kampionatit gjerman, Leverkuseni ka mposhtur 1:4 si mysafir Werder Bremenin.
Kai Havertz (2), Mitchell Weiser dhe Karem Demirbay ishin golashënuesit te mysafirët, kurse Gebre Selassie golin e vetëm për vendasit.
Ekipi i Milot Rashicës, tashmë është në krizë të thellë dhe e ka shumë të vështirë mbijetesën.
Werderi ka 18 pikë në pozitën e parafundit (17), 5 pikë larg Fortuna Dusseldorfit që është po ashtu në zonën e rënies nga liga, në pozitën e 16-të.
Mainz 05, në pozitën e 15-të që siguron mbijetesën në Bundesligë, është nëntë pikë larg Werder Bremenit.
Bayer Leverkuseni ndërkaq me 50 pikë është konsoliduar në pozitën e pestë.
