Shpesh në qendër të zërave të merkatos, Ivan Rakitic, mesfushori kroat i Barcelona-s, ka folur për një të ardhme të mundshme te MLS, ndoshta tek Inter Miami i David Beckham.
“Është e qartë se futbollit po tërheq më shumë njerëz çdo vit në Shtetet e Bashkuara të Amerikës”, ka thënë Rakitic për Mundo Deportivo.
“Është fantastike, jam shumë i lumtur që po ndodh. Është një ndjesi speciale të shikosh sesi futbolli mund të rritet dhe të zhvillohet. Nëse shikoj një ndeshje të MLS-së, i them vetes: ‘Po, dua ta shikoj’”.
Dhe me tej: “Unë tek Inter Miami? Të shohim. Nëse do të më telefononte Beckham…”, ka thënë krotai që në të kaluarën ka thënë se do të respektonte kontratën që ka me Barcelona-n dhe më pas do të kërkonte një ekip të ri.
