Policia Kufitare dhe ajo e rendit në bregdetin e Sarandës kanë vijuar kontrollin për respektimin e masave të sigurisë në plazhe.
Policia Kufitare ka deklaruar se mbrëmjen e djeshme janë konstatuar 3 skafe të vegjël, të cilat rezultuan pa dokumentacionin e nevojshëm gjatë kontrollit.
Burime zyrtare bëjnë me dije se janë gjobitur 2 të rinj, pronarë të mjeteve lundruese.
Konkretisht u ndëshkuan me masë administrative 10.000 lekë të rinj, shtetasit me inicialet R. H., 24 vjeç, banues në Sarandë, pronar i një mjeti lundrues dhe me masë administrative 20.000 lekë të rinj, dhe R.Ç., 21 vjeç, banues në të njëjtin qytet, pronar i dy skafeve (10.000 lekë për secilin mjet).
Mjete të tjera lundruese për qëllime turistike dhe argëtimi vijojnë të qarkullojnë në plazhe fare pranë pushuesve në det, duke u kthyer në burim të vazhdueshëm rreziku për jetën e pushuesve.
Njoftimi i Policisë:
Mbrëmjen e djeshme, janë bllokuar nga Policia edhe 3 mjete të tjera lundruese, në kuadër të masave të marra për sezonin turistik.
Gjatë 2 muajve të fundit, Policia Kufitare e Sarandës ka bllokuar 29 mjete lundruese, konkretisht 14 skafe dhe 15 “Jet ski”.
Ndëshkohen me masë administrative pronarët e 3 mjeteve lundruese “Jet ski”, të bllokuara mbrëmjen e djeshme, të cilët kryen manovra të rrezikshme, duke rezikuar jetën e pushuesve, në plazhin e quajtur “Gjiri i Lapajve”.
Shërbimet e Policisë Kufitare Sarandë, në vijim të kontrolleve të mjeteve lundruese, duke marrë shkas dhe nga pamjet filmike të publikuara në rrjetet sociale, ku shfaqeshin disa shtetas që kryenin manovra të rrezikshme me mjete lundruese, në det, duke rrezikuar pushuesit, kanë bërë të mundur lokalizimin e 3 mjeteve lundruese “Jet ski”.
Pas lokalizimit të tyre, në bazë të ligjit nr.127, datë 15.10.2020, neni 14/b, u ndëshkua me masë administrative 10.000 lekë të rinj, shtetasi R. H., 24 vjeç, banues në Sarandë, pronar i një mjeti lundrues dhe me masë administrative 20.000 lekë të rinj, shtetasi R.Ç., 21 vjeç, banues në Sarandë, pronar i dy mjeteve lundruese (10.000 lekë për secilin mjet).
Gjithashtu u bë bllokimi i të 3 mjeteve lundruese “Jet ski” me të cilët u kryen manovra të rrezikshme, në plazh, pasi gjatë kontrollit kanë rezultuar pa dokumentacionin përkatës, në bord.
Policia Kufitare do të vijojë kontrollet dhe fton qytetarët që të denoncojnë çdo rast paligjshmërie, në aplikacionin Komisariati Dixhital ose të telefonojnë në numrin pa pagesë 112, duke iu garantuar anonimatin,
