Drejtori sportiv i Lacios, Igli Tare ka nisur “gjuetinë” për t’i plotësuar organikën trajnerit Simone Inzagi, i cili në sezonin e ardhshëm duhet të llogarisë edhe ndeshjet e Ligës së Kampionëve.
Në fokus është Borja Majoral.
Sulmuesi në pronësinë e Real Madrid, por që gjendet i huazuar te Levante ka nisur të përmendet në ambientin bardhekaltër.
Mbetet për t’u parë nëse klubet do të gjejnë gjuhën e përbashkët për talentin spanjoll, ndërsa vetë lojtari duke qenë se nuk mund të gjejë hapësira te Real Madrid, mund të intrigohet për t’u aktivizuar në kampionatin Italian.
