Personi që supozohet se e sulmoi Dave Chappelle, Isaiah Lee, është duke u përballur me katër akuza për kundërvajtje, njoftoi prokurori i qytetit të Los Angeles, Mike Feuer në një video të postuar të enjten në Twitter.
“Ajo që duhej të ishte një mbrëmje me vetëm të qeshura në Hollywood Bowl u ndërpre këtë të martë papritmas pasi i dyshuari Isaiah Lee e sulmoi në skenë komedianin Dave Chappelle”, tha ai.
“I dyshuari mbante një armë”, shtoi ai. “Ky sulm i supozuar duhet të ketë pasoja”.
Lee, 23 vjeçar, përballet me akuzat e mëposhtme: bateri (që në të drejtën penale, është veprim fizik i cili rezulton me kontakt të dëmshëm ose fyes ndaj një personi tjetër, pa pëlqimin e tij/saj), posedim armësh me qëllim sulmi, hyrje të paautorizuar në zonën e skenës gjatë një shfaqjeje dhe kryerje të një akti që e ndërhyn interpretuesin.
Mike Feuer (Foto: AP)
Feuer e përfundoi mesazhin e tij duke thënë se zyra e tij “e merr jashtëzakonisht seriozisht mbrojtjen e sigurisë publike” dhe premtoi se do ta “ndjek me forcë” çështjen.
Siç është raportuar më parë nga
Page Six
, Lee hyri në skenë dhe u përball me Chappelle në Hollywood Bowl të martën, ndërsa dyshohet se ishte i armatosur me një thikë të ngjashme me armë.
Vëllai më i madh i të dyshuarit, Aaron Lee, i tha
Rolling Stone
se ai po përpiqet të kuptojë motivin pas sulmit të vëllait të tij më të vogël.
🚨BREAKING: City Attorney Mike Feuer announces charges against Dave Chappelle’s alleged attacker. pic.twitter.com/OiMh8ZWftX
– The Office of Mike Feuer, L.A. City Attorney (@CityAttorneyLA) May 5, 2022
“Ai nuk ka asnjë lloj armiqësie ndaj [Chappelle] për të cilën unë di”, tha Aaron.
Aaron përmendi se Isaiah ka shumë miq transgjinorë, por nuk është e sigurt nëse shakatë fyese të Chappelle për komunitetin trans kishin ndonjë lidhje me vendimin e vëllait të tij.
/abc24.al/
Momenti kur Dave u sulmua në skenë (Foto: Ellis Kaplan)
