Sulmuesi i Chelseat, Pedro Rodriguez, ka thënë se është i hapur për të gjitha mundësitë si lojtar i lirë.
Spanjolli ka kontratë me klubin londinez deri në fund të edicionit.
Ai ka thënë se fillimisht duhet të takohet me klubin, derisa është shprehur se ka shumë oferta.
“Situata me koronavirusin ka prekur gjithçka, kështu që momentalisht ne jemi në pritje për një takim me Chelsean”, ka thënë Pedro.
“Unë jam duke pritur për takimin me klubin, por gjithashtu jam i hapur për të dëgjuar ofertat e tjera. Prioriteti tash është kompletimi i kontratës sime, pastaj do të shohim se çfarë do të ndodhë”, shtoi ai.
