“Shuhen përplasjet”/ Sunny Hill kthehet në Prishtinë

0
Gjigandi

Festivali “Sunny Hill” do të mbahet në Prishtinë, por edhe në Shqipëri do të ketë një “line-up” të këtij festivali.

Lajmi është konfirmnuar nga Ministria e Kulturës në Kosovë, ku njoftohet se festivali “Sunny Hill” do të organizohet në kryeqytetin e Kosovës. Pritet që në këtë festival të performojnë një sërë këngëtarësh të me famë botërore përgjatë 3 netëve, në datat 2, 3 dhe 4 gusht. Mes tyre do të performojnë edhe Calvin Harris, Miley Cyrus, Gashi e artistë të tjerë shqiptar e të huaj.

Qëllimi i këtij festivali është promovimi i Kosovës dhe organizohet nga babai i Dua Lipës, Dukagjin Lipa.

Deklarata e Plotë:

Deklaratë e përbashkët e Ministrisë së Kulturës (në emër të Qeverisë së Kosovës), Komunës së Prishtinës dhe Sunny Hill Festival. Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022. Qeveria e Kosovës, Komuna e Prishtinës dhe Sunny Hill Festival bashkojnë forcat për një edicion të mrekullueshëm të festivalit sivjet, aty ku e ka vendin, në Prishtinë.

RonaTyra

Institucionet qendrore dhe lokale bashkërisht, sipas mandatit që kanë do të ofrojnë mbështetje të plotë për edicionin e sivjetmë, i cili do të mbahet në një lokacion të përshtatshëm. Të gjithë shprehin gatishmërinë që çështja e shfrytëzimit afatgjatë të tokës të diskutohet edhe pak kohë deri në gjetjen e një zgjidhjeje të qëndrueshme. Synimi i përbashkët është që nga viti i ardhshëm, festivali Sunny Hill të organizohet në lokacionin e vet afatgjatë. Në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht. Në Prishtinë, Sunny Hill Festival për këtë vit ka përgatitur lineup-in më të fuqishëm nga festivalet e rajonit ku përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion pritet të zbulohen edhe dy artistë shumë të mëdhenj botëror. Një verë e jashtëzakonshme i pret të gjithë shqiptarët në Prishtinë dhe në Tiranë.

Ministria e Kulturës, Komuna e Prishtinës dhe Sunny Hill Festival

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu