Një shtetas shqiptar 47 vjeç u arrestua nga policia italiane, pasi ka kërcënuar me vdekje në mënyrë të vazhdueshme ish-gruan e tij. Shqiptari e kishte ndalur në rrugë ish-bashkëshorten dhe e ka kërcënuar me fjalë.
Kërcënimet kanë shkuar edhe më tej, në dhunë fizike, teksa shqiptari bashkë me dy bashkëkombës kanë marrë leva hekuri dhe kanë qëlluar burrin e ish-gruas së 47-vjeçarit, shkruajnë mediat italiane. Tre shqiptarët e plagosën burrin me të cilin shoqërohej ish-gruaja e shqiptarit.
Çifti i kërcënuar ka bërë denoncim në polici dhe në mbrëmje, karabinierët e Astit kanë kryer arrestimin e shqiptarit kërcënues. Ai u dërgua në paraburgim dhe në dispozicion të autoriteteve gjyqësore.
Ndaj shqiptarit u vendos masa e sigurisë “arrest me burg”. Ndërkaq, mësohet se 47-vjeçari dhe ish-bashkëshortja kanë një fëmijë.
