Komiteti Ekzekutiv i FFK-së, sot, mbajti mbledhjen e vet të radhës, nën drejtimin e presidentit Agim Ademi, ku diskutoi për gjendjen dhe rrethanat në futbollin e Kosovës.
Me vendimet e fundit, dy skuadrat e Ligës së Dytë, Vjosa dhe A&N nga Prizreni janë inkuadruar në Ligën e Parë.
Ndaj vendimit të fundit të KE-së ka reaguar skuadra e Fushë Kosovë e cila ka shkruar se iu është bërë padrejtësi.
Madje kjo skuadër ka shkruar se FFK i ka bërë padrejtësi për herë të dytë brenda një viti, duke ditur se pikërisht një vit më parë kjo skuadër ishte dënuar me minus 9 pikë të cilat e kishin dërguar në ligën aktuale.
Më poshtë reagimi i Fushë Kosovës:
Reagim:
Kryesia e klubit futbollistik KF Fushë Kosova, reagon lidhur me vendimin e fundit të marr nga FFK për anulimi e kampionatit për Ligën e Dytë të Kosovës.
Përderisa është̈ dhënë̈ drita e gjelbër për të vazhduar kampionati për Super Ligën , nuk shohim asgjë̈ të keqe dhe rrezikshme të mos zhvillohen ndeshjet e mbetura edhe në Ligen e parë dhe të dytë!
Prandaj ne jemi kundër ndërprerjes së kampionatit dhe nëse një̈ gjë̈ e tillë ndodh, atëherë̈ ne do të diskutojmë mundësin që të mos jemi më pjesë e kësaj Lige, sepse nuk mund të pësojnë̈ ekipet e futbollit për favorizimin e 3 ekipeve si Kika, A&N dhe Behari që kanë propozuar që të mos vazhdohet kampionati!
Nëse për MSH’s e IKSHP’n nuk o rrezik me u mbledh 1000 veta ne sheshe e në ambiente te mbyllura është mëkat qe futbolli te mos te luhet me 22 lojtar ne tjera liga përpos Super Ligës.
Vendimi i FFK-së dëmton rënd ekipin, e Fushë Kosovës, dhe rrezikon largimin e sponsorëve.
Kujtojmë se edhe vitin e kaluar jemi ndëshkuar pa drejtësisht me largim nga Liga e Parë, nga po këto organe drejtuese.
FFK-ja, IKShPK, dhe MSH, duhet ditur se me këtë vendim po mbyllin klube, dhe vende të punës.
Është̈ turp dhe mëkat që të ndalet futbolli!
