Ekipi i Shkëndijës nga Tetova ka nisur fazën përgatitore për sezonin e ri dhe eliminatoret në UEFA Europa League.
Shkëndija i jep fund pushimit dhe tashmë zyrtarisht shënohet starti i përgatitjeve për sezonin e ri, ku krahas garave vendore, kuqezinjtë për herë të 7 me radhë dhe të 9-ën në total do të jenë pjesë e Kupave të Evropës. Skuadra ka nisur punën nën urdhëratë e stafit teknik të drejtuar nga Ernest Gjoka dhe ndihmësit e tij Fatjon Tafaj, Metin Dalip dhe Kushtrim Abdullai.
Pas matjeve fillestare, futbollistët të ndarë në grupe do të vijojnë ekzaminimet mjekësore dhe testimet e zakonshme për këtë fazë, ndërsa paralel me këtë skuadra do të koncentrohet në realizimin e plan-programit të hartuar për këtë fazë përgatitore.
Sa i përket lëvizjeve në këtë afat kalimtar të verës deri më tani ekipi I është bashkangjitur Egzon Bejtullai i në janar të këtij viti, firmosi me Helsingborgs IF në elitën e futbollit suedez, por për shkaqe familjare vendosi të ndërpriste kontratën para kohe. Bashkëpunimin me ekipin kuqezi e kanë vazhduar Besart Ibraimi, Armend Alimi, Mevlan Murati, Valmir Nafiu, Zija Merxhani dhe Arlind Aliti, ndërsa ka firmosur kontratë profesionale me 16-të vjeçarin, Dashmir Elezi. Pritet edhe angazhimi I ndonjë futbollisti cilësorë.
Nga ekipi janë larguar Agim Ibraimi, Samir Fazli, Marjan Radevski, Konstatin Çeshmexhiev, Artan Iljazi.
