Një nga burrat që furnizoi Mac Millerin me pilulat me fentanil që çuan në mbidozën e tij është dënuar me 10 vjet e 11 muaj burg.
Ryan Reavis – i cili u deklarua fajtor për një akuzë të rëndë të shpërndarjes së fentanilit – ishte një nga tre të akuzuarit për mbidozën fatale të reperit në shtator 2018.
Sipas Rolling Stone, 39-vjeçari kërkoi një dënim pesë-vjeçar, duke pretenduar se ai ishte thjesht një ndërmjetës dhe nuk e kishte idenë se pilulat që ai furnizonte ishin me substancë.
Foto: Lake Havasu Police Department
Përpara se gjyqtari të jepte dënimin e Reavis të hënën (18 prill), nëna e Millerit, Karen Meyers, iu drejtua gjykatës duke kujtuar të birin, shkruan
PageSix
.
“Jeta ime u errësua në momentin që Malcolm u largua nga bota e tij. Malcolm ishte personi im, më shumë se një djalë. Kishim një lidhje të thellë, të veçantë dhe të pazëvendësueshme. Ne flisnim pothuajse çdo ditë për gjithçka – jetën, planet, muzikën, ëndrrat e tij”, tha nëna e artistit.
Foto: Getty Images
Ajo këmbënguli se djali i saj, i lindur me emrin Malcolm James McCormick, “nuk do të merrte kurrë me vetëdije një pilulë me fentanil. Ai donte të jetonte dhe ishte i emocionuar për të ardhmen”.
“Plaga në zemrën time do të jetë gjithmonë aty”, shtoi ajo.
Reavis u arrestua në shtator 2019 pasi policët bastisën shtëpinë e tij në Liqenin Havasu City dhe gjetën një bllok me recetë të mjekut, pilula të paspecifikuara të disponueshme vetëm me recetë, mjete droge dhe një sasi “të përdorshme” marihuane.
Foto: Getty Images
Reavis u deklarua fajtor në nëntor 2021, ndërsa Stephen Walter – i cili gjithashtu u akuzua për një akuzë të rëndë të shpërndarjes së fentanilit – gjithashtu u deklarua fajtor, por ende nuk është dënuar.
Ndërkohë, çështja për të tretin që gjithashtu është i akuzuar për rastin, Cameron Pettit, është ende duke vazhduar.
Miller vdiq në moshën 26 vjeçare në shtëpinë e tij në Los Angeles nga një mbidozë e alkoolit, kokainës dhe fentanilit.
/abc24.al/
