Rita Ora ka zbuluar se mungoi në momentin kur Will Smith e goditi me shuplakë komedianin Chris Rock, pasi u largua për në tualet pak para se të ndodhte ngjarja tronditëse.
Këngëtarja britanike, 31 vjeçare, ishte në mesin e një grupi të famshëm, duke përfshirë të dashurin e saj, regjisorin Taika Waititi, në “Oscars 2022” duke parë një transmetim të drejtpërdrejtë të ceremonisë së çmimeve që po zhvillohej në Dolby Theatre të Los Angeles.
Por, ajo nuk ishte në sallë kur Smith doli në skenë dhe goditi me shuplakë Rock, duke pranuar në emisionin radiofonik australian “Fitzy and Wippa”: “Papritmas më duhej të shkoja në tualet në atë moment, gjë për të cilën jam shumë e mërzitur”.
Rita Ora (Foto: Getty Images)
Ajo u tha prezantuesve të radios se kur ishte kthyer në skenë kishte parë të ftuarit e tjerë në momente të ndryshme.
“Unë thashë, “Çfarë po ndodh? Çfarë po ndodh?”, tha ajo.
Rita më pas mori pjesë në ceremoninë e “Vanity Fair Oscars” me Taikan dhe tha se ata kaluan një kohë aq të mirë sa nuk mbante mend shumë.
Momenti kur Will goditi Chris Rock në “Oscars” (Foto: Reuters)
“As që po e them këtë, por nuk mbaj mend aq shumë. Thjesht kalova mirë. Unë pija dhe kërceja. Dhe gjithçka që dija ishte se u zgjova dhe mendova, “Ua, çfarë ndodhi?”, tha ajo duke qeshur.
Smith doli në skenë për ta goditur Chris meqë ky i fundit u tall për kokën tullace të bashkëshortes së tij, Jada Pinkett Smith, duke mos e ditur se ajo vuan nga alopecia.
Rita Ora dhe Taika Waititi (Foto: Getty Images)
Incidenti ndodhi teksa Rock po prezantonte çmimin për ‘Dokumentarin më të mirë’, të cilin e fitoi “Summer of Soul”.
/abc24.al/
Will Smith (Foto: Wire Image)
