Nuk ka hyrë në histori, sepse për fat të mirë Real Madridi fitoi të 14-tën, por goli i Benzema, i anuluar nga arbitri francez Turpin, pas konsultimit me VAR-in, ishte moment krucial në pjesën e parë të finales së Champions League në Paris. Edhe sot shumë tifozë pyesin pse u anulua ai gol. Ja shpjegimi, pas konsultimit me burime të autorizuara të UEFA-s.
Gjëja e parë që duhet thënë është një lëvizje shumë e diskutueshme (“gri”, në terma arbitrazhi). Jo çuditërisht, VAR-it iu deshën tre minuta për të miratuar vendimin që Turpin kishte marrë në fushë (asistenti i tij). Ishte një finale e madhe dhe VAR-i duhej të sigurohej 100 %.
1. “Prek” dhe jo “luaj”, ky është koncepti kryesor. Gjyqtarët flasin për këtë nuancë për të dalluar se çfarë është kontakti i një sulmuesi (mjafton të prekësh topin që të vendoset ‘offside’), në krahasim me një mbrojtës, i cili duhet ta “prekë dhe luajë” topin. Kjo është, e përkthyer në atë veprim. VAR-i dhe Turpin konsideruan se Fabinho u hodh për të mbrojtur topin nga Valverde, por pa qëllimin për të luajtur topin, vetëm për të ndërprerë pasimin e mundshëm nga Fede.
Kjo është nuanca kryesore. Konsiderohet se prekja (dhe jo tentativa për të luajtur topin) e Fabinhos NUK ANULON ‘offside’ e Benzema. Duke qenë se nuk asnjë prekje nga Fabinho (ose më përpara Konaté, në të njëjtin rast), veprimi ‘offside’ fillon nga prekja e Valverde. Dhe aty Benzema ishte tashmë përpara. Dallim në normë. Është e rëndësishme ta kuptojmë këtë për të ardhmen.
2. Mbrojtësi e mundëson sulmuesin jo vetëm nëse e prek topin, por duhet të përpiqet edhe ta “luajë”. Kjo ‘përpjekje për ta luajtur’, padyshim është shumë subjektive dhe për këtë arsye loja është gri. Ka nga ata që mund të mendojnë se duke u zhytur për topin, Fabinho po përpiqet ta luajë atë. Interpretimi i arbitrit të shtunën konsideroi se Fabinho kërcen për të ndërprerë pasimin e Valverde.
Kjo është “prekje” dhe jo “luaj”. Literaliteti i rregullit thotë këtë: “Një lojtar në pozicion jashtë loje do të konsiderohet nëse nuk ka përfituar nga ai pozicion kur merr topin nga një kundërshtar që luan vullnetarisht topin”. Ekziston koncepti i “luajtjes” dhe jo thjesht “prekjes”.
3. Precedenti i Eric García-s. Natyrisht, tre minutat që u përdorën nga VAR-i kishin një objektiv: të ishin të sigurt, pas precedentit që, edhe në kuadër të UEFA-s, pati në finalen e Ligës së Kombeve mes Spanjës dhe Francës. Atë ditë, një pasim për Kylian Mbappé, i cili ishte jashtë loje, u prek (dhe u luajt) nga spanjolli Eric García.
Gjyqtari anglez Anthony Taylor dhe VAR-i, më pas interpretuan se Eric anuloi ‘offside’ e Mbappe për “luajtjen” e topit. Një interpretim i gabuar, edhe për shumë ekspertë të arbitrazhit, pasi dukej qartë se Eric donte vetëm të ndërpriste pasimin, por jo ta luante topin “vullnetarisht”, siç tregon rregulli. Me pak fjalë, një nuancë që i ‘i dha’ Ligën e Kombeve Francës, por që për fat nuk i ‘i hoqi’ Real Madridit Champions League.
