Një aktore ukrainase e njohur për punën e saj në ekran dhe teatër thuhet se është vrarë gjatë sulmeve me raketa ruse në Kyiv, sipas Fox News.
Sulmi i raportuar në një ndërtesë banimi la të vdekur Oksana Shvets, 67-vjeçare, njoftoi një teatër lokal.
“Gjatë bombardimeve me raketa të një ndërtese banimi në Kyiv, u vra një artiste e Ukrainës, Oksana Shvets”, tha një deklaratë nga ‘Young Theater’ përmes Facebook. “Kujtime të bukura për aktoren e talentuar. Nuk ka falje për armikun që ka ardhur në tokën tonë”.
The actress of the Young Theatre Oksana Shvets has been murdered in Kyiv during the war. pic.twitter.com/Rp3DcgSbge
– KyivPost (@KyivPost) March 17, 2022
Vdekja e Shvets u raportua gjithashtu përmes mediave sociale nga llogaria e ‘Kyiv Post’ në Twitter.
“Aktorja e Young Theater Oksana Shvets është vrarë në Kyiv gjatë luftës”, thuhet në postim.
E ndjera ishte njohur si një nga yjet më të mëdhenj të vendit dhe ishte vlerësuar me arritjen më të lartë artistike si “Artistja e nderuar e Ukrainës”.
Oksana Shvets (Foto: Facebook)
Pushtimi rus ndaj Ukrainës ka bërë që më shumë se tre milionë njerëz të largohen nga vendi i tyre. Numri i të vdekurve mbetet i panjohur, megjithëse Ukraina raportoi për mijëra viktima.
/abc24.al/
