Aktori Mike Hagerty, i cili ishte i njohur për rolet në “Friends” dhe “Somebody Somewhere” ka vdekur.
Ai ka ndërruar jetë në moshën 67-vjeçare.
Lajmi u bë i ditur nga mikja e tij, Bridget Everett, në një postim të shpërndarë me ndjekësit në rrjete sociale të premten.
Mike Hagerty
“Me dhimbje të thellë, familja e Michael G. Hagerty njoftoi vdekjen e tij ditën e djeshme në Los Angeles”, tha ajo.
“Mike, ka lënë pas bashkëshorten e tij Mary Kathryn, motrën Mary Ann Hagerty dhe vajzën Meg. Ai do t’i mungojë të gjithëve”, thuhet më tej.
Shkaku i vdekjes së tij nuk është zbuluar akoma.
Mike Hagerty
Hagerty është ndoshta më i njohur për audiencën për rolin e mbikëqyrësit të ndërtesës në “Friends”.
Ai gjithashtu luajti si fermer Ed Miller në “Somebody Somewhere”. Miller ishte babai i personazhit të Everett.
Të shumta kanë qenë mesazhet e tjera prekëse nga miqtë e ata që e njohën nga afër Mike.
/abc24.al/
