Një 31-vjeçar ka mbetur i djegur pasi skafi në të cilin po punonte ka marrë flakë. Policia e Vlorës thotë se ngjarja e rëndë ka ndodhur në fshatin Drimadhes, Dhërmi.
Si pasojë e flakëve, i riu që po merrej me riparimin e motoskafit, ka pësuar djegie në zona të ndryshme të trupit.
31-vjeçarit iu dha ndihma e parë në qendrën shëndetësore në Drimadhes dhe po transportohet në spitalin e Tiranës, për mjekim me të specializuar, thotë Policia.
Grupi hetimor ndodhet në vendngjarje dhe po punon për përcaktimin e rrethanave të ngjarjes. /A2 CNN/
