Seria A po bëhet gati për të rifilluar kampionatin dhe e gjithë vëmendja është te titulli kampion.
Juventusi dhe Lacio ndahen me vetëm një pikë, duke e mbajtur të ndezur garën dhe duke rritur interesin për ndeshjet e mbetura.
Shumë është përfolur për Thomas Strakoshën në këto kohë. Gardiani shqiptar është dëmtuar në stërvitje, por në Itali doli edhe teza e infektimit me Koronavirus dhe fshehjes nga ana e klubit lacial. Duke hedhur poshtë të gjithë këto zëra, Strakosha është rikthyer në stërvitje duke përqafuar “shokun e vjetër”.
Tashmë portieri shqiptar është gati për ndeshjen e parë të Serisë A pas KOVID-19, pas rënies së pandemisë dhe do të vazhdojë ëndrrën e madhe me kryeqytetasit për të dalë me titull në këtë sezon.
