Pas protestës të zhvilluar ditën e sotme, tek zona e Unazës së Re, burime bëjnë me dije se policia ka shoqëruar disa nga protestuesit. Sipas shihet edhe në foto, dhjetra forca policie kanë rrethuar zonën dhe kanë shoqëruar disa nga protestuesit. Për 60 minuta banorët e Astirit kanë bllokuar qarkullimin. Sipas burimeve, mësohet se shoqërimet janë bërë pas protestave, dhe pas largimit të kamerave. Ditën e sotme janë thirrur për të deklaruar në komisariatin nr.6, disa nga banorët. Në mes të banorëve kanë qënë edhe deputeti Klevis Balliu dhe ambjentalisti Sazan Guri. “Ne foto eshte momenti i arrestimit te operatorit te Shijak TV Ledio Guni per arsyen e vetme se po filmonte veprimet e policise me ndalimin e banoreve te unazes, duke ecur ne trotuar pas protestes. Ftojme median te beje publik kete rast dhe te ndjeke nga afer zhvillimet atje.”
