Kultivonte kanabis, arrestohet 49-vjeçari në Tepelenë

0
31
Gjigandi

Një 49-vjeçar është arrestuar në Tepelenë, pasi kultivonte bimë narkotike.

Shtetasi me iniciale I.H., akuzohet për veprën penale “Kultivimi i bimëve narkotike”.

Sakaq janë sekuestruar në cilësinë e provës materiale disa bimë të dyshuara narkotike cannabis sativa.

Njoftimi i policisë:

Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.

Si rezultat i kontrollit të territorit evidentohet dhe goditet një rast i kultivimit të bimëve narkotike. Vihet në pranga autori i dyshuar.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Tepelenë, bazuar dhe në informacionet e siguruara në rrugë policore, gjatë kontrollit të imtësishëm të territorit, në fshatin Dukaj, Tepelenë, në bahçen e banesës së shtetasit I. H., kanë gjetur të kultivuara disa bimë të dyshuara narkotike cannabis sativa, të cilat u sekuestruan në cilësinë e provës materiale. Në përfundim të veprimeve hetimore u arrestua në flagrancë shtetasi I. H., 49 vjeç, banues në fshatin Dukaj, Tepelenë.

Materialet në ngarkim të shtetasit I. H. i kaluan Prokurorisë pranë Gjykatës së Shkallës së Parë Gjirokastër, për veprën penale “Kultivimi i bimëve narkotike”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu