Legjenda e futbollit të Kosovës, Ardian Kozniku, ka uruar 25 vjetorin e gazetës kombëtare “Bota sot”. Kozniku me Kroacinë ka fituar medaljen e bronztë në Kampionatin Botëror në vitin 1998. Ai ka pasur një karrierë të bujshme, nga Vëllaznimi në KF Prishtina, pastaj në Hajduk të Splitit, me të cilën ka fituar Kupën e Marshall Titos në vitin 1991.
Kozniku, karrierën e ka vazhduar në klubet franceze, si Cannes, Le havre, Bastia, në Qipro me APOEL-in, pastaj në Kroaci me Croatia (sot Dinamo Zagreb), Karten të Austrisë etj.
”Urime 25 vjetorin e ‘Bota sot’. Urime kolegeve tuaj për punën e palodhur… Në veçanti ty Kemajl Goca për punën dhe informatat për të gjitha llojet e sporteve që i marrim nga ju dhe gazeta ‘Bota sot’.
Ju uroj shëndet dhe suksese të mëtejshme”, uron Kozniku.
