Konkurrenca.
Edhe Roma vazhdon të ndjekë me kujdes situatën e lidhur me të ardhmen e Dries Mertens, futbollist të cilit i skadon kontrata me Napolin dhe ende nuk ka vendosur nëse do të rinovojë apo do të gjejë një tjetër ekip.
Ashtu si lexohet në faqet e “Corriere dello Sport”, verdhekuqtë janë gati që të vendosin në pjatë një kontratë deri në vitin 2023 për belgun, me një rrogë prej 3.5 mln eurosh plus bonuse.
Por, për Mertens kanë lëvizur shumë skuadra dhe mes tyre sidomos Interi që ka edhe një kartë fituese si Romelu Lukaku, i cili ka biseduar personalisht me yllin e Napolit.
