John Travolta po feston një moment historik të ri në jetën e tij.
Duke shpërndarë një video të shkurtër në Instagram të dielën (20 mars), në të cilën ai shihet duke qëndruar përpara një aeroplani, aktori i “Grease” u tha ndjekësve të tij se ai arriti një moment shumë krenar në historinë i tij të aviacionit.
“Për t’i shtuar licencave të mia 747 dhe 707, sapo mora licencën time 737. Dhe shkoi shumë mirë, ndaj thjesht po ndaj momentin tim me ju”, tha ylli i filmit.
Foto: Getty
Me licencën e tij të re, Travolta do të jetë në gjendje të pilotojë një Boeing 737, shkruan People.
Sipas Alliance Aviation, qendra më e madhe e pavarur e trajnimit të aviacionit në Shtetet e Bashkuara dhe Amerikën Latine, kursi i tyre i licencës 737 është ideal për ata që janë gati të kalojnë nga sektori privat i pilotëve për t’u bërë pilotë të linjave ajrore komerciale.
Travolta, 68 vjeç, ka qenë pilot i licencuar që kur ishte 22 vjeç, ai ka qenë gjithashtu ambasador i Qantas Airways që nga viti 2002.
Në vitin 2020, ylli i “Hairspray” postoi një video në llogarinë e tij në Instagram, në të cilën ai po pilotonte aeroplanin e tij privat.
Foto: Getty Images
Një javë më parë, ai bëri një tjetër referencë për karrierën e tij të fluturimit në rrjetet e tij sociale, duke postuar një foto të vjetër nga koha kur ishte adoleshent.
“Kthimi prapa. E enjte: Kur isha 15 vjeç, shkolla ime ofroi një klasë aviacioni që filloi karrierën time të dytë”, shkroi ai foton.
Gruaja e ndjerë e Travoltës, Kelly Preston, kishte deklaruar për The Telegraph në vitin 2018 se ajo dhe burri i saj udhëtojnë gjatë gjithë kohës përmes avionëve të tij.
“Ai e ka patentën e tij për gati 30 vjet. Në shtëpinë tonë në Ocala të Florida veriore, ne i kemi avionët të parkuar përpara sepse kemi një pistë të bashkangjitur. Unë kurrë nuk shqetësohem kur John drejton avionin sepse ai është i qetë në çdo situatë dhe mund të përballojë presionin. Me të kemi fluturuar në të gjithë botën – Rusi, Afrikën e Jugut, Australi, Tahiti, Mbretërinë e Bashkurar SHBA dhe Lindja e Largët”, kishte deklaruar ajo atë kohë.
/abc24.al/
