Aguero zbuloi se çfarë i tha Lionel Messi, pasi Real Madridi i Carlo Ancelottit shënoi golin e tretë në kohën shtesë kundër Manchester City. “Los Blancos” bënë të papriturën e madhe kundër Manchester City me një kthesë befasuese në minutat e fundit të lojës.
Ish-veteranët e Barcelonës dhe Argjentinës, Sergio Aguero dhe Lionel Messi, teksa po komentonin ndeshjen për Espn, mbetën të shokuar nga Real Madridi, sepse lojtarët e Ancelottit thuajse po dorëzoheshin.
Sipas ‘Madrid Xtra’, Sergio zbuloi se Lionel Messi i kishte thënë të mos bënte shaka, pasi iu tha se Real Madridi ka shënuar një gol më shumë, 3-1.
Legjenda argjentinase u befasua dhe nuk mund ta besonte se Real Madridi shënoi tre gola për ta përfunduar ashtu përmbysjen epike kundër Manchester City.
Paris Saint Germain i tij dhe yjeve të tjera u eliminua nga Champions League po nga Real Madridi, pasi skuadra spanjolle u rikthye pothuajse si mbrëmë në “Bernabeu”.
Lionel Messi tashmë ka fituar Ligue 1 me PSG dhe synimi i tij është të ndihmojë skuadrën për të fituar trofeun e Champions League, sezonin e ardhshëm. Ai është një lojtar i madh dhe nuk duhet të gjykohet nga sezoni i tij i parë në klubin parizien. Lionel Messi deri më tani ka regjistruar 13 asiste në Ligue 1 dhe ka shënuar 4 gola.
Ai do të kthehet në maksimumin e tij sezonin e ardhshëm dhe PSG, gjithashtu dëshiron ta forcojë skuadrën këtë verë, me largimin e disa prej lojtarëve të ekipit të parë.
Neymar Jr dhe Messi do të mbeten në klub, të dy lojtarët janë aktualisht nën kontratë me PSG.
