Rrëfimi i Ellen Barkin për sjelljen “kontrolluese” dhe “xheloze” të Johnny Depp gjatë marrëdhënies së tyre u dëshmua të enjten në gjyqin e vazhdueshëm midis aktorit dhe ish-bashkëshortes së tij, Amber Heard.
Barkin, 68 vjeçare, pretendoi se ish-partneri i saj i ka hedhur njëherë një shishe verë.
Dëshmia e yllit të “Animal Kingdom” – në një paraqitje para gjykatës në një sallë gjyqi në Fairfax, Virginia – detajonte aktorin se ishte “i dehur. shumë herë”.
Foto: Screenshot/YouTube
Barkin tha se u takua me Depp rreth vitit 1990 dhe zhvilloi një miqësi që zgjati dhjetë vjet. Ata madje kanë luajtur së bashku në filmin “Fear and Loathung” në Las Vegas.
“Ai gjithmonë pinte”, tha ajo duke saktësuar se Depp, tani 58 vjeçar, gjithashtu shpesh ishte nën ndikimin e halucinogjenëve.
Fituesja e çmimit “Tony” ra dakord që Depp ishte nën ndikimin e këtyre substancave si dhe kokainës të paktën “dhjetëra herë” gjatë lidhjes së tyre.
Në lidhje me episodin e hedhjes së shisheve, ajo tha se “nuk e dinte pse e hodhi shishen”, por se ishte një “hedhje” në drejtim të saj dhe të të tjerëve. Barkin mes tjerash theksoi se nuk e goditi askënd.
Ylli i “Pirates of the Caribbean” e quajti më parë pretendimin “të pavërtetë”, raportoi
Reuters
, duke thënë se Barkin kishte inat kundër tij.
Për sjelljen “kontrolluese” dhe “kërkuese” të aktorit, Barkin bëri të ditur se Johnny ishte “thjesht një burrë xheloz”, duke i thënë asaj gjëra të tilla si: “Ku po shkon, me kë po shkon, çfarë bëre mbrëmë?”.
“Kisha një gërvishtje në shpinë që dikur e inatosi shumë, shumë sepse ai këmbënguli se kjo erdhi nga unë duke kryer marrëdhënie me një person që nuk ishte ai”, shtoi ajo.
/abc24.al/
