Në javën e kaluar, Donald Veshaj në emisionin e tij të ri “Më lër të flas” risolli një skeç duke kthyer momentin kur Fifit i kishte rënë të fikët në Big Brother VIP.
Kjo duket se e kishte acaruar këngëtaren nga Ferizaj në masë të madhe, gjersa bëri një reagim publik duke thënë se do t’i dërgojë në gjyq.
E njëjta ka qenë së fundmi e ftuar në emisionin e vëllezërve Veshaj dhe ka sqaruar në detaje ‘hatërmbetjet’ në mes të tyre.
Foto: Screenshot/YouTube
“Erdha tek ju se do bëj gjyqin me Donaldin. Nuk u konsultova dot me ju juve, ju mora nga tre herë në telefon. Ja nisën të më vinin mesazhe pafund, që kishit nxjerrë skenën kur më ra të fikët. Marr në telefon Donaldin, nuk ma hap. Marr Romeon, as ai s’ma hap. Marr ca njerëz në dhe më thanë po të kanë nxjerrë skenën që të ka rënë të fikët. Marr prapë në telefon, asnjëri në telefon”, u shpreh Fifi.
“Nuk e dija fare që kishte nisur emisioni. Nuk kisha mundësi ta shihja. E kam menduar pjesën e familjes, njerëzve të mi, thashë ajo pjesa duhet të hiqet”, tha ajo.
Foto: Screenshot/YouTube
Fifi dhe Donaldi ndërkaq janë miq shumë të mirë me njëri-tjetrin, madje kanë edhe një tatuazh të përbashkët –
‘Filoqyl’
.
Ata të dy kanë qenë pjesë e Big Brother VIP dhe që nga aty kanë ruajtur një marrëdhënie të ngushtë.
/abc24.al/
