Mesfushori i Përfaqësueses së Kosovës, Florian Loshaj, me suadrën e tij Cracovia, ka arritur të shënojë fitore përballë Lechia Gdansk me rezultat 3-2, pas një drame që zgjati 120 minuta.
Ndeshja në kohën e rregullt ishte mbyllur 2-2, ndërsa Loshaj e kishte nisur ndeshjen nga minuta e parë.
Pesë minutat e fundit të kohës së rregullt ishin dramë e vërtet, pasi Lechia Gdansk shënoi për 2-1, duke bërë që të gjithë të mendojnë se trofeu do të shkojë te ata.
Por David Jablonsky u shfaq në skenë në minutën e 88’, për të barazuar rezultatin në 2-2 dhe loja shkoi në vazhdime.
Loshaj luajti edhe në vazhdime deri në minutën e 113, kur u zëvendësua, ndërsa vetëm pas katër minutash Cracovia shënoi golin e fitores me anë të Mateus Wdowiak.
Në fund Loshaj dhe skuadra e tij kishin arsye për festë, pasi fituan Kupën e Polonisë.
