Finalet në Lisbonë!
“Në datën 17 qershor, Komiteti Ekzekutiv i UEFA-s do të përcaktojë rrugëtimin e Champions League nga çerekfinalet deri në finale dhe qyteti ku do të zhvillohet turneu është përzgjedhur Lisbona”.
Lajmi i bujshëm që qarkullon prej dy ditësh te prestigjozja “Bild” ka gjetur konfirmim dhe tashmë duket se dyshimet po bien.
Ishte përfolur për Stamboll dhe Frankfurt, por UEFA ka zgjedhur këtë “final eight” (pra me ndeshje direkte dhe të vetme) në Portugali, duke qenë se në Champions nuk ka ekipe portugeze, por edhe sepse në këtë qytet ka më shumë se një stadium.
