Iuliana Marciuc, e cila ishte kryetare e delegacionit të Rumanisë në Eurovision, ka bërë një deklaratë duke thënë se nuk ishin të njoftuar se pse pikët maksimale të shtetit të tyre iu dhanë Ukrainës e cila u shpallë fituese, e jo Moldavisë që ata kishin vendosur.
Ajo ka bërë këto deklarata në televizionin kombëtar atje TVR News, duke thënë se nuk e di deri tani pse votat e jurisë të Rumanisë janë ndryshuar dhe 12 pikët që ata i kishin dhënë Republikës së Moldavisë i kanë shkuar Ukrainës.
Marciuc gjithashtu saktësoi se gjykimi në Bukuresht është bërë duke respektuar rregulloren e EBU-së, nga e cila pret një përgjigje për këtë situatë.
Foto: Reuters
“Telefonova Bukureshtin, kërkova të më jepnin partiturën, pasi deri atëherë nuk e dija dhe kërkova detaje për mënyrën e organizimit të jurisë në studio. Mësova se ishte organizuar me të gjitha rregullat e vendosura nga EBU, me praninë e një noteri të detyrueshëm, një noteri që do të mbërrinte në studio përpara anëtarëve të jurisë. Anëtarët e jurisë nuk mund të komunikonin me njëri-tjetrin, nuk mund të flisnin, secili firmosi jurinë e tij, nuk panë rezultatin total të jurisë. Në këtë mënyrë nuk e dimë se cili është problemi i kësaj jurie”, tha Iuliana Marciuc.
Në të njëjtën kohë, kreu i delegacionit rumun zbuloi gjithashtu se vetëm gjatë finales së Eurovisionit të shtunën mbrëma(14 maj), producentja televizive Liana Damian, përgjegjëse për jurinë, vuri re mospërputhje me raportin e dërguar një ditë më parë në EBU dhe se praktikisht, rezultatet e specialistëve të jurisë në studion e Bukureshtit nuk u morën përsipër.
Foto: Andrei Chirileasa
“Nuk kam marrë asnjë deklaratë zyrtare në lidhje me dyshimet që kanë të bëjnë me gjysmëfinalen e dytë, dyshime që parashikohen në këtë buletin janë marrë vetëm në orët e vona të natës gjatë procesit të gjykimit. Ky email u mor rreth 30 minuta pasi producenti ynë kërkoi një bisedë telefonike me operatorin e votimit Digame për detaje në lidhje me këtë mospërputhje. Në këtë mënyrë zbuluam se 12 pikët që i janë dhënë Moldavisë janë dhënë nga ne për Ukrainën”, shpjegoi ajo.
Iuliana Marciuc saktësoi gjithashtu në TVR News se që nga mëngjesi i djeshëm ka kërkuar shpjegim zyrtar nga EBU në lidhje me votat e Rumanisë, por ende nuk ka marrë asnjë përgjigje.
TVR akuzon Unionin Evropian të Transmetuesve (EBU), organizatorin e Eurovizionit, se ka ndryshuar rezultatin e votimit të jurisë rumune pa shpjeguar arsyet, pak pasi u zbulua se votimi në Rumani dhe pesë vende të tjera nuk u mor parasysh.
Foto: TVR1
“U befasuam kur konstatuam se rezultati i votimit të jurisë rumune nuk u mor parasysh në përllogaritjen e renditjes përfundimtare, organizatorët u caktuan një grup tjetër pikësh konkurrentëve në finale, në emër të jurisë së vendit tonë. Saktësojmë se juria rumune vendosi t’i japë pikë maksimale përfaqësuesve të Moldavisë”, shkruhet në komunikatën e TVR.
Televizioni Kombëtar pretendon se “rregullat u ndryshuan gjatë lojës, pa u njoftuar paraprakisht pjesëmarrësit, pasi gjatë transmetimit zbuluan se disa vota të jurive kombëtare u ndryshuan nga organizatorët pa u informuar”.
Por, gjatë finales së Eurovision, Unionin Evropian i Transmetuesve (EBU) kishte lëshuar një deklaratë ku sqaronte se në përpjekje të dyshuara për të manipuluar votimin e jurisë ata hoqën votat e jurisë nga gjashtë vende.
Votat nga Azerbajxhani, Gjeorgjia, Mali i Zi, Polonia, Rumania dhe San Marino u zëvendësuan të gjitha me rezultatin e ri.
/abc24.al/
