Kryetari i Podujevës, Shpejtim Bulliqi tha se moti i ligë ka shkaktuar dëme të konsiderueshme në disa fshatra të kësaj komune.
Bulliqi në një postim në Facebook ka shkruar se erërat e forta dhe breshëri shkaktuan shumë dëme.
Postimi i Bulliqit:
Moti i ligë që po mbretëron në vendin tonë ka shkaktuar dëme të konsiderueshme në disa fshatra të Podujevës, erërat e forta dhe breshëri kanë dëmtuar dhjetëra ekonomi familjare dhe kultura të ndryshme bujqësore në rendimentin e tyre.
Si institucione lokale me të gjitha kapacitetet tona do të jemi pranë qytetarëve në nevojat e tyre për ta kaluar shpejt këtë situatë. Njëherit, apeloj tek të gjithë qytetarët për kujdes të shtuar këto ditë nga rreziqet që mund të kanosen nga moti i keq.
