Detaje të reja kanë dalë në dritë nga ekzekutimi me armë mbrëmjen e djeshme tek Kodra e Diellit, ku viktimë mbeti një 39-vjeçar.
Emri i viktimës fillimisht u raportua se ishte Briken Sanaj, por Priza.al ka arritur të konfirmojë se 39-vjeçari që humbi jetën quhet Skerdi Sanaj.
Kujtojmë se viktima në të gjithë dokumentet që i janë gjetur, Skerdi Sanaj përdorte dy identitete. Në Lezhë, aty dhe ku ka vendin e lindjes 39-vjeçari figuron me emrin Skerdi Sanaj ndërsa nga rojet private të kompleksit ku u vra njihet si Anton Gjini. Ende nuk e dimë nëse Skerdi kishte krijuar identitet të dytë me dokumente të falsifikuara.
Mësohet e familja e 39-vjeçarit jeton në Lezhë, ndërsa viktima ishte zhvendosur të jetonte në Tiranë prej një viti. Kujtojmë se Sanaj u qëllua me 3 plumba në fytyrë nga autorë ende të paidentifikuar, vetëm pak çaste pasi ai doli nga garazhi ku parkoi makinën tek rezidenca.
