Skandali i lidhur me Mauro Icardi dhe Wanda Nara vazhdon, me një afrim të supozuar të China Suarez me sulmuesin e PSG-së, kur agjentja ishte në Argjentinë. Aktorja është ndalur nga gazetarja e “Partners of the Show”, e cila i ka bërë disa pyetje.
Ajo ka mohuar që një nga këngët e saj të fundit t’i kushtohet futbollistit argjentinas. Megjithatë, reagimi i China Suarez për thashethemet e fundit mbi marrëdhënien me Icardin ishte befasues. Në fakt, aktorja vendosi të mos përgjigjet, duke u futur në makinë dhe përshëndetur gazetaren me sarkazëm: “Shumë e sjellshme, mirupafshim”.
Ndërkohë, me rastin e fitimit të titullit të dhjetë kampion në Francë nga PSG, ku pjesë e këtij suksesi është edhe Mauro Icardi, gruaja dhe agjentja e tij i ka dërguar një mesazh më romantik se kurrë ish-kapitenit të Interit:
“Dua që jeta të të kthejë vetëm pak nga dashuria, kujdesi dhe gjithçka që më jep. Ndoshta nuk jam femra më e mirë në botë, por ajo për të cilën mund të jesh i sigurt është se jam unë që vdes nga lumturia për secilën prej arritjeve të tua ose vdes nga trishtimi kur gjërat nuk të shkojnë mirë.
Ka faza që janë serioze, kjo është jeta., por unë kam qëndruar fort në kohët e këqija. I kemi shijuar të mirat dhe shpresojmë që jeta të vazhdojë të na dhurojë lloj-lloj momentesh që na bëjnë të rritemi së bashku. Të dua!”
