Përpos lajmeve politike, Kuvendi Kombëtar i PD prodhoi incidente që tërhoqën vëmendjen e opinionit publik.
Rrëzimi i Sali Berishës teksa shkonte në podiumin e Kuvendit Kombëtar, solli reagimin të disa përfaqësuesve të Partisë Socialiste.
Përmes ironisë, shumë prej tyre e kanë lidhur këtë moment me nevojen biologjike të Berishës për të pushuar në shtëpi.
Kreu i grupit parlamentar socialist, Taulant Balla shkruan në faqen e tij në facebook:
“Non grata mbetet non grata!”,
postim të cilin e shoqëron edhe më foton nga momenti kur lideri demokrat është në tokë i rrëzuar.
Përpara se të rrëzohej Berisha, e njëjta gjë ndodhi edhe me gruan e tij, Liri Berisha, e cila u rrëzua në momentin e nisjes së Kuvendit, kur çifti Berisha hyri në Pallatin e Kongreseve.
