Një aksident ka ndodhur sot pasdite në Rrugën e Arbrit ku kanë mbetur të plagosur dy persona.
Sipas policisë së Tiranës, dy automjete janë përplasur me njëra-tjetrën, e për pasojë mbetën të plagosur drejtuesit e makinave, shtetasi J. A., 34 vjeç dhe shtetasja D. M., 38 vjeçe.
Njoftimi i policisë:
Tiranë/Informacion paraprak- Më datë 24.01.2023, në Rrugën e Arbrit, janë përplasur automjeti me drejtues shtetasin J. A., 34 vjeç, me automjetin me drejtuese shtetasen D. M., 38 vjeçe. Si pasojë e aksidentit janë dëmtuar të dy drejtuesit e automjeteve dhe ndodhen në spital, nën kujdesin e mjekëve, jashtë rrezikut për jetën.
