Në 24 orët e fundit në Shqipëri janë konfirmuar një vdekje dhe 93 raste të reja me koronavirus nga 1107 testime.
Ministria e Shëndetësisë ka bërë të ditur se numri më i lartë i rasteve të reja është regjistruar në Tiranë – 27.
Janë 655 pacientë aktivë me COVID-19 në të gjithë vendin. Aktualisht në spitalet COVID po marrin trajtim 42 pacientë, nga të cilët 8 janë në gjendje më të rënduar.
Në 24 orët e fundit ka një humbje jete me SARS-COV2 pozitiv, një qytetar 79-vjeç nga Berati.
Janë shëruar 99 qytetarë gjatë 24 orëve të fundit, duke e çuar numrin e të shëruarve në 268.662.
Shqipëria deri më tash ka regjistruar 272.804 raste me koronavirus, 268.662 janë shëruar, 655 janë aktive, ndërsa betejën me sëmundjen e rrezikshme e kanë humbur 3.487 pacientë.
