Policia e Tiranës ka dalë me një njoftim zyrtar pas zjarrit të rënë në një apartament pranë godinës së Presidencës. Sipas bluve, zjarri është shkaktuar aksidentalisht. Tashmë në vendngjarje kanë mbërritur edhe shërbimet zjarrfikëse.
Tiranë/Informacion paraprak
Rreth orës 12:00, ka rënë zjarr në katin e 6-të të një pallati, në rrugën “Abdyl Frashëri”.
Në vendin e ngjarjes kanë shkuar shërbimet e Policisë dhe shërbimet zjarrfikëse.
Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.
