Pas disa muajsh hetime nga seksioni i Narkotikëve, policia bën me dije se ka bërë të mundur realizimin e operacionit të koduar “Qereka”, ku në pranga është vënë një 25-vjeçar, banues në Tiranë, i akuzuar për shitje të lëndëve narkotike në zona të ndryshme të kryeqytetit.
Gjatë periudhës hetimore, janë sekuestruar 3,5 kg lëndë e dyshuar narkotike kanabis, të cilën dyshohet se ky shtetas e ka siguruar në Krujë.
Gjykata e Shkallës së Parë e Juridiksionit të Përgjithshëm Tiranë ka caktuar për këtë shtetas, masën e sigurisë “Arrest në burg”, për veprën penale “Prodhimi dhe shitja e narkotikëve”, pasi nga veprimet hetimore ka rezultuar se 25-vjeçari, pasi siguronte në Krujë, lëndë të dyshuar narkotike të llojit kanabis, e shpërndante më pas në doza, në zonat e Tiranës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
p.k\dita
